గోల్డెన్ న్యూస్ / భద్రాద్రి కొత్తగూడెం: చండ్రుగొండ మండలానికి చెందిన ఓ యువకుడిపై పోక్సో కేసు నమోదైంది. పోలీసుల కథనం ప్రకారం.. చండ్రుగొండ మండలంలోని ఓ గ్రామానికి చెందిన బాలికను రావికంపాడుకు చెందిన వినోద్ ప్రేమించుకున్నారు. ఈ క్రమంలోనే పెళ్లి చేసుకుంటానని మాయ మాటలు చెప్పి పలు మార్లు అత్యాచారం చేశాడు. బాలిక పెళ్లి మాట ఎత్తడంతో చేసుకోనని బెదిరించాడు. మోసపోయానని తెలుసుకున్న బాలిక తల్లిదండ్రులకు చెప్పింది. తల్లి ఫిర్యాదుతో యువకుడిపై పోక్సో కేసు నమోదైనట్లు ఏఎస్ఐ తెలిపారు.
