గోల్డెన్ న్యూస్/ వెబ్ డెస్క్ : ఆపరేషన్ సిందూర్ తో భారత్ పాకిస్తాన్ లోని ఉగ్రస్థావరాలను ధ్వంసం చేసింది. అంతేగాకుండా పాక్ దాడులను భారత్ తిప్పి కొడుతోంది. ఈ నేపథ్యంలో పాకిస్తాన్ ఎల్ వో సి వెంబటి నిత్యం కాల్పులకు తెగబడుతోంది. సామాన్య పౌరులే లక్ష్యంగా పాక్ కాల్పులు జరుపుతోంది. అయితే పాక్ కాల్పులను భారత బలగాలు సమర్థవంతంగా తిప్పికొడుతున్నాయి. ఈ క్రమంలో పాకిస్తాన్ కాల్పుల్లో భారత జవాన్ మురళీనాయక్‌ వీరమరణం పొందాడు ఆయన స్వస్థలం ఆంధ్రప్రదేశ్ లోని సత్యసాయి జిల్లా కల్లి తండా. రేపు మురళీనాయక్‌ మృతదేహాన్ని ఆర్మీ అధికారులు స్వగ్రామానికి తీసుకు రానున్నారు. ఆయన మృతితో గ్రామంలో విషాదం అలుముకుంది.
