గోల్డెన్ న్యూస్/ అశ్వరావుపేట : రాష్ట్ర ప్రభుత్వం పేదల సొంతింటి కల నెరవేర్చడానికి ఇందిరమ్మ ఇళ్ల పథకం ప్రారంభించిన విషయం తెలిసిందే. ఇటీవల లబ్ధిదారులను ఎంపిక చేసిన ప్రభుత్వం మంజూరు పత్రాలు కూడా అందచేస్తోంది.
ఈ పథకంలో భాగంగా ఇళ్లు నిర్మించుకునే వారికి విడతల వారీగా రూ.5 లక్షల సాయం అందనుంది. అయితే లబ్ధిదారుల ఎంపికల అక్రమాలు జరిగాయని చాలా గ్రామాల్లో ప్రజలు ఆరోపిస్తున్నారు. అనర్హులకు ఇళ్లు మంజూరు చేశారని విమర్శిస్తున్నారు. ఈ క్రమంలో పలుచోట్ల ఇందిరమ్మ ఇళ్ల కోసం ఆందోళనలు కూడా చేపడుతున్నారు. తాజాగా భద్రాద్రి కొత్తగూడెం జిల్లా అశ్వారావుపేట మండలం కొత్త మామిళ్ళవారిగూడెం గ్రామంలో జేడి మోహనరావు అనే వ్యక్తి ఇందిరమ్మ ఇల్లు రాలేదని వాటర్ ట్యాంక ఎక్కి నిరసన తెలిపారు.
