గోల్డెన్ న్యూస్ /హైదరాబాద్ : లంచం తీసుకుంటూ జూనియర్ లైన్మెన్ ఏసీబీ అధికారులకు చిక్కాడు. సిటీ రేంజ్ యూనిట్-1 ఏసీబీ అధికారులు వివరాల మేరకు.. గచ్చిబౌలి డివిజన్ పరిధి వసంత్ నగర్ విద్యుత్ ఉప కేంద్రంలో ఎ. శ్రీకాంత్ గౌడ్ నాలుగేళ్లుగా జూనియర్ లైన్మెన్గా పనిచేస్తున్నాడు. ఎన్ఆర్ఎస్ఏ కాలనీకి చెందిన వినియోగదారుడు తన ఇంటికి సంబంధించి 5 కిలోవాట్ నుంచి 11 కిలోవాట్ వరకు పెంచేందుకు శ్రీకాంత్ గౌడ్ రూ.30వేలు డిమాండ్ చేశాడు. ఈ క్రమంలో శుక్రవారం ఎస్ఆర్ఎస్ఏ కాలనీలో రూ. 11 వేలు ఇస్తుండగా డీఎస్పీ శ్రీనివాసరెడ్డి 10 మంది అధికారుల బృందంతో రెడ్్యండెడ్గా పట్టుకున్నారు. అనంతరం శ్రీకాంత్ గౌడ్ని నాంపల్లిలోని ఏసీబీ కార్యాలయానికి తరలించారు. వసంతనగర్ సెక్షన్లో సోదాలు చేస్తున్నట్లు అధికారులు తెలిపారు.
