పండగపూట విషాదం.

గోల్డెన్ న్యూస్ / కామారెడ్డి :  చెరువులో మునిగి తల్లి, ముగ్గురు పిల్లలు మృతి చెందిన ఘటన ఎల్లారెడ్డి మండలం వెంకటాపూర్లో ఆదివారం చోటుచేసుకుంది.

♦ ఎల్లారెడ్డి  మండలం వెంకటాపూర్ గ్రామంలో ఆ దివారం ఉదయం చెరువు వద్ద తల్లి మౌనిక దుస్తులు ఉతుకుతుండగా.. చిన్నారులు ముగ్గురూ స్నానానికి దిగారు. చెరువులో భారీ గుంత ఉండటంతో అందులో పడి మునిగిపోయారు. చిన్నారులను కాపాడేందుకు తల్లి యత్నించింది. ఈ క్రమంలో తల్లితో పాటు పిల్లలు ముగ్గురూ చెరువులో మునిగి చనిపోయారు.మృతులను మౌనిక (26), మైథిలి (10), అక్షర (8), వినయ్ గుర్తించారు. తల్లి, పిల్లలు మృతిచెందడంతో గ్రామంలో విషాదఛాయలు అలముకున్నాయి. పోలీసులు ఘటనాస్థలికి చేరుకుని దర్యాప్తు జరుపుతున్నారు.