జనగామ జిల్లాలో విషాదం..
రైలు కిందపడి యువతి మృతి!
జనగామ జిల్లాలో హృదయ విదారక ఘటన చోటుచేసుకుంది. రైలు కిందపడి 24 ఏళ్ల యువతి ప్రాణాలు కోల్పోయింది.
కొత్తగూడెం జిల్లా లక్ష్మీదేవిపల్లి మండలం శేషగిరినగర్ కాలనీకి చెందిన కుంటి శ్రావణి ఈ ఘటనలో మృతి చెందింది.
అనారోగ్య సమస్యలతో పాటు, తన వివాహానికి కుటుంబ సభ్యులు అంగీకరించకపోవడంతో ఆమె మనస్తాపానికి గురైనట్లు ప్రాథమిక సమాచారం.
ఘటనపై రైల్వే పోలీసులు కేసు నమోదు చేసి దర్యాప్తు చేపట్టారు. యువతి మృతితో కుటుంబంలో విషాదఛాయలు అలుముకున్నాయి.
