అర్హులైన ప్రతి పట్టభద్రుడి ఓటు నమోదు చేయించాలి..

గ్రాడ్యుయేట్ ఎమ్మెల్సీ ఎన్నికల్లో కాంగ్రెస్ అభ్యర్థి గెలుపే లక్ష్యంగా పనిచేయాలి – సయ్యద్ ఇక్బాల్ హుస్సేన్..

 అర్హులైన ప్రతి పట్టభద్రుడి ఓటు నమోదు చేయించాలి..

 సర్వోత్తమ్ రెడ్డి గారికి మొదటి ప్రాధాన్యత ఓటు వేయించేలా కృషి చేయాలి.

 ఎల్‌నినో ప్రభావం, వర్షాభావ పరిస్థితులపై ప్రజలకు అవగాహన కల్పించాలి..

 గ్రామాల్లో ప్రజా సమస్యలను గుర్తించి పరిష్కారానికి కృషి చేయాలి..

కరకగూడెం : భద్రాద్రి కొత్తగూడెం జిల్లా కరకగూడెం మండల కేంద్రంలోని కాంగ్రెస్ పార్టీ కార్యాలయంలో పినపాక నియోజకవర్గ శాసనసభ్యులు  పాయం వెంకటేశ్వర్లు, DCC అధ్యక్షురాలు శ్రీమతి.తోట దేవి ప్రసన్న ఆదేశాల మేరకు మండల స్థాయి గ్రాడ్యుయేట్ ఎమ్మెల్సీ ఎన్నికల సన్నాహక సమావేశం నిర్వహించిన మండల కాంగ్రెస్ పార్టీ అధ్యక్షులు సయ్యద్ ఇక్బాల్ హుస్సేన్

ఈ సందర్భంగా వారు మాట్లాడుతూ, వరంగల్–నల్గొండ–ఖమ్మం ఉమ్మడి జిల్లాల పరిధిలోని పట్టభద్రుల ఎమ్మెల్సీ ఎన్నికల్లో కాంగ్రెస్ పార్టీ అభ్యర్థి *శ్రీ రాంరెడ్డి సర్వోత్తమ్ రెడ్డి* విజయమే లక్ష్యంగా గ్రామస్థాయి నుంచి మండల స్థాయి వరకు పార్టీ నాయకులు, కార్యకర్తలు సమన్వయంతో పనిచేయాలని పిలుపునిచ్చారు. కాంగ్రెస్ పార్టీకి ఉన్న రాజకీయ బలాన్ని విజయంగా మలచుకునేందుకు ప్రతి ఒక్కరూ కృషి చేయాలని సూచించారు.

అర్హులైన ప్రతి పట్టభద్రుడి ఓటు నమోదు చేయించాలి..

గ్రాడ్యుయేట్ ఎమ్మెల్సీ ఓటరు నమోదుపై ప్రత్యేక దృష్టి సారించి, అర్హత కలిగిన ప్రతి పట్టభద్రుడు ఓటరుగా నమోదు చేసుకునేలా అవగాహన కల్పించాలని కోరారు. ఓటరు నమోదు గడువు నవంబర్ 6 వరకు ఉన్నందున, అర్హులైన వారు గడువులోగా దరఖాస్తు చేసుకునేలా పార్టీ శ్రేణులు సహకరించాలని సూచించారు. రానున్న ఎన్నికల్లో కాంగ్రెస్ పార్టీ అభ్యర్థి శ్రీ రాంరెడ్డి సర్వోత్తమ్ రెడ్డి గారికి మొదటి ప్రాధాన్యత ఓటు వేయించేలా పట్టభద్రులను చైతన్యపరచాలని పిలుపునిచ్చారు.

ఎల్‌నినో ప్రభావం, వర్షాభావ పరిస్థితులపై ప్రజలకు అవగాహన కల్పించాలి..

ఎల్‌నినో ప్రభావం వల్ల సంభవించే వాతావరణ మార్పులు, వర్షాభావ పరిస్థితుల కారణంగా భవిష్యత్తులో తలెత్తే నీటి ఎద్దడి, కరువు వంటి సమస్యలపై గ్రామస్థాయిలో ప్రజలకు అవగాహన కల్పించాలని సమావేశంలో సూచించారు. ప్రజలు నీటి కొరతతో ఇబ్బందులు పడకుండా ముందస్తు చర్యలపై దృష్టి సారించాలని, నీటి పొదుపు, అందుబాటులో ఉన్న నీటి వనరుల సమర్థ వినియోగంపై ప్రజలకు అవగాహన కల్పించాలని పేర్కొన్నారు.

గ్రామాల్లో ప్రజా సమస్యల పరిష్కారానికి కృషి చేయాలి..

మండలంలోని ప్రజాప్రతినిధులు, సర్పంచులు, ఉపసర్పంచులు, వార్డు సభ్యులు తమ గ్రామాల్లో ప్రజలు ఎదుర్కొంటున్న సమస్యలను గుర్తించి, వాటి పరిష్కారానికి సంబంధిత అధికారులతో సమన్వయం చేసుకుంటూ కృషి చేయాలని కోరారు. ప్రజలకు అవసరమైన మౌలిక సదుపాయాలు, తాగునీటి సమస్యలు తదితర అంశాలపై ప్రత్యేక శ్రద్ధ చూపుతూ ప్రజలకు అందుబాటులో ఉండాలని సూచించారు.

ప్రజా సమస్యల పరిష్కారంతో పాటు పార్టీ బలోపేతానికి, పట్టభద్రుల ఎమ్మెల్సీ ఎన్నికల్లో కాంగ్రెస్ అభ్యర్థి విజయానికి ప్రతి ఒక్కరూ సమష్టిగా కృషి చేయాలని సయ్యద్ ఇక్బాల్ హుస్సేన్ పిలుపునిచ్చారు.

ఈ కార్యక్రమంలో జిల్లా కాంగ్రెస్ కమిటీ కార్యదర్శి ఎర్ర సురేష్, సర్పంచ్ ల సంఘం మండల అధ్యక్షులు చౌలం కేశవరావు, ఉపాధ్యక్షులు కల్తి విజయ్, పద్మాపురం సర్పంచ్ తోలెం రమేష్,ఉప సర్పంచ్ పూజారి వెంకన్న,sc సెల్ అధ్యక్షులు జాడి శ్రీను, మాజీ ఉప సర్పంచ్లు కొమరం వెంకటేశ్వర్లు, బాడిష లక్ష్మీనారాయణ,మండల నాయకులు గొగ్గలి రవి , తోలెం కృష్ణ, సీనియర్ నాయకులు అత్తే సారయ్య ,నక్క చంటి ,బెజవాడ రాములు, వెంకట్, రాంబాబు ,కార్యకర్తలు, మహిళలు యువకులు తదితరులు పాల్గొన్నారు..