అశ్వాపురం : భద్రాద్రి కొత్తగూడెం జిల్లా అశ్వాపురం మండలం మిట్టగూడెంలో ఆర్టీసీ బస్సులో టికెట్ విషయంలో జరిగిన వివాదం తీవ్ర ఉద్రిక్తతకు దారితీసింది. ఈ క్రమంలో కండక్టర్ ను బస్సులో నుంచి ఓ మహిళ నెట్టివేయడంతో, కండక్టర్ కాళ్లపై నుంచి బస్సు చక్రాలు వెళ్లి తీవ్రంగా గాయపడ్డారు. ఘటనపై బస్సు డ్రైవర్ ఫిర్యాదు మేరకు బానోత్ మౌనికపై కేసు నమోదు చేసినట్లు అశ్వాపురం సీఐ వెల్లడించారు. టికెట్ వివాదమే ఘటనకు కారణమని తెలిపారు.
