గోల్డెన్ న్యూస్ / వెబ్ డెస్క్/ మధుమేహం ఉన్నవారు అన్నం తినాలా వద్దా? తింటే ఏ సమయంలో తినాలి? అనే సందేహాలు చాలా మందిలో ఉంటాయి. దీనిపై వైద్య నిపుణులు కీలక సూచనలు చేస్తున్నారు. మధుమేహ వ్యాధిగ్రస్తులు అన్నం తినడానికి మధ్యాహ్న సమయం అత్యంత ఉత్తమమైనదని వారు స్పష్టం చేస్తున్నారు.పగటిపూట కార్బోహైడ్రేట్ల జీర్ణక్రియ సులువురాత్రి వేళల్లో కంటే పగటిపూట మానవ శరీరం కార్బోహైడ్రేట్లను చాలా సులభంగా, వేగంగా ప్రాసెస్ చేయగలదు. మధ్యాహ్న సమయంలో శరీర జీవక్రియలు చురుగ్గా సాగడం వల్ల మనం తీసుకునే ఆహారంలోని కార్బోహైడ్రేట్లు సులభంగా విచ్ఛిన్నమై శక్తిగా మారుతాయి. అందుకే మధుమేహం ఉన్నవారు మధ్యాహ్న భోజనంలో అన్నం తీసుకోవడం మంచిదని వైద్యులు చెబుతున్నారు.
అన్నం ఒక్కటే కాకుండా, దాంతో పాటు కొన్ని రకాల పోషకాహారాలను కలిపి తీసుకోవడం వల్ల రక్తంలో గ్లూకోజ్ స్థాయిలు ఒక్కసారిగా పెరగకుండా అదుపులో ఉంటాయి. అన్నంతో పాటు కింది వాటిని మీ ఆహారంలో చేర్చుకోవాలని నిపుణులు సూచిస్తున్నారు. చికెన్, చేపలు, గుడ్లు, నట్స్, ఆలివ్ ఆయిల్ఫైబర్. ఈ ఆహార పదార్థాలను అన్నంతో కలిపి తీసుకోవడం వల్ల జీర్ణక్రియ ప్రక్రియ నెమ్మదిస్తుంది. తద్వారా శరీరంలో చక్కెర స్థాయిలు అదుపులో ఉంటాయి
మధుమేహం ఉన్నవారు తినే అన్నంలో కొద్దిగా నిమ్మరసం కలుపుకోవడం వల్ల మంచి ఫలితం ఉంటుందని వైద్యులు పేర్కొంటున్నారు. నిమ్మరసంలో ఉండే సిట్రస్ గుణాలు ఆహారం త్వరగా గ్లైసిమిక్ ఇండెక్స్ను పెంచకుండా నిరోధిస్తాయి.మధుమేహ వ్యాధిగ్రస్తులు సరైన సమయానికి, తగిన మోతాదులో సమతుల్య ఆహారం తీసుకోవడం ద్వారా షుగర్ లెవల్స్ను సులభంగా నియంత్రణలో ఉంచుకోవచ్చు.
